Sot në Gjykatën Kushtetuese do të zhvillohet seanca e dytë e padisë së opozitës kundër projektit të qeverisë që kaloi në parlament për dhënien me koncesion të Butrintit.
Gjykata Kushtetuese në seancën e parë kërkoi autorizim nga 36 deputetët që përfaqësohen nga deputetja demokrate Ina Zhupa.
“Qeveria të sjellë të gjitha informacionet lidhur me UNESCO-n dhe zgjedhjen e Richard Hodges dhe cdo komunikim tjetër që është bërë përpara se të vendosej për koncesionin në Kuvend. Nuk mund të futemi në gjykim duke na mashtruar. Kushtetua është shkelur. Konventa e Parisit është shkelur” tha ajo.
“Kërkesa e dytë është për thirrjen e dëshmitarëve. Ata që janë në dijeni të shkeljes së ligjeve dhe menaxhimit të Butrintit. I pari është Richard Hodges. Ai që thotë Butrinti është grek dhe se Shqipëria është një krijim politik” tha më tej Zhupa.
