Mbledhja e Këshillit të Mandateve ka nisur dhe vazhdon me debate për të vendosur mbi kërkesën e SPAK-ut për arrestimin e ish-ministrit Arben Ahmetaj.
Avokatët Ardian Vishaj dhe Henrik Ligori deklaruan sot në mbledhjen e këshillit të Mandateve dhe Imunitetit se Arben Ahmetaj është larguar jashtë vendit për arsye familjare. “Arben Ahmetaj ndodhet jashtë Shqipërisë për arsye familjare” thanë ata.
Kryetarja Lindita Nikolla njoftoi deputetët e këshillit se kërkesa në Kuvend do të shqyrtohet, jo nesër as në një tjetër seancë të posaçme që mund të ishte të premten, por javën tjetër. Demokratët reaguan ashpër.
“Boll e zvarritët. Po bashkëpunoni me krimin. Mos i jepni më shumë kohë Ahmetajt që të fshihet. Çështja duhet të jetë nesër në rendin e ditës në seancë. Mos pengoni drejtësinë, opozita e ka gati raportin” i tha Gazment Bardhi, që është kryetari i grupit të PD-së.
