Kryetari i grupit të PD-së, Gazment Bardhi i kërkoi kryetares së Kuvendit, Lindita Nikolla që të pezullojë seancën dhe të thirret Edi Rama të vijë që të japë shpjegime për dhunën në Krujë dhe kërkesën e SPAK-ut për arrestimin e Arben Ahmetajt.
“Kryeministri të vijë këtu dhe të japë llogari. Nuk mund të kalohet çështja e Krujë me dorëheqjen e një deputeti që në fakt nuk duhet të ishte fare këtu. Ka edhe një kërkesë e SPAK-ut për Arben Ahmetajn ku përmenden edhe 4-5 ministra të tjerë.
Prandaj duhet të vijë të japë llogari. Pezulloni seancën dhe njoftoi Ramën që të vijë këtu dhe të japë llogari për një aferë 430 milionë euro dhe një tjetër, që kishte shpallur një zonë pak metra larg Tiranës, nën urdhrat e një fisi” tha ai.
