Një viktimë dhe një i plagosur u regjistruan dje në Hanioti të Halkidikit të Greqisë.
Bëhet fjalë për dy persona të moshës 39 dhe 45 vjeç, pushues nga Shkupi i Maqedonia e Veriut.
Sipas policisë greke, persona të panjohur, kanë hapur zjarr ndaj tyre teksa ndodheshin në banesën me qira.
Për pasojë 39-vjeçari ka mbetur i vdekur, ndërsa 45-vjeçari është dërguar i plagosur fillimisht në Qendrën Shëndetësore Kassandra dhe më pas në Spitalin e Përgjithshëm Polygyros, ku ndodhet për mjekim.
Autorët janë larguar menjëherë nga vendi i ngjarjes dhe janë shpallur në kërkim nga Policia.
Shkaqet e sakta të ngjarjes fatale janë duke u hetuar nga Departamenti i Sigurisë Polygyros.
