Policia e Kosovës ka njoftuar se në Mitrovicën e Veriut mbrëmjen e djeshme kanë ndodhur dy shpërthime.
Bëhet me dije se një grua ka denoncuar në Polici, se në oborrin e saj janë gjuajtur dy mjete shpërthyese, shok-bomba.
“Viktima femër kosovare ka raportuar gjatë natës në oborrin e shtëpisë së saj janë dëgjuar dy shpërthime. Njësitë relevante policore kanë dalë në vendin e ngjarjes dhe sipas vendshiqimit vërehet se në oborrin e viktimës nga person/a, dyshohet se janë gjuajtur dy mjete shpërthyese (shok bomba) ku si pasoj nuk ka pasur persona të lënduar apo dëme materiale,” thuhet në deklaratën e policisë.
Ndërkohë që hetimet për ngjarjen vijojnë nga ana e autoriteteve.
