Një 24-vjeçar është plagosur pasditen e sotme pas një sherri me një 30-vjeçar në qytetin e Ballshit.
Armelin Hoxha ka plagosur me mjet prerës gërshërë 24-vjeçarin Xhesild Yzeiraj, e për pasojë ky i fundit ka përfunduar në spital ku po merr kujdesin e mjekëve.
Shkak për zënkën ka qenë se dy të rinjtë kanë qenë nën efektin e alkoolit, ndërsa më pas kanë ofenduar njëri-tjetrin duke thënë “pse më shave”.
30-vjeçari Hoxha është gjetur nga policia dhe është shoqëruar për kryerjen e veprimeve të mëtejshme procedurale.