Momente ankthi të madh kanë përfshirë Agios Charalambos Mandras me vatrën e zjarrtit që u shfaq në Dervenochoria.
Flakët po i afrohen shtëpive dhe evakuimet vijojnë. Efektivët e policisë kanë nxjerrë fëmijët nga shtëpitë dhe duke i mbajtur në krahë po i shpëtojnë nga flakët.
Në një konferencë për shtyp, përfaqësuesi i Zjarrfikësve, Vassilis Vathrakogiannis, tha se zjarri më i rëndësishëm pyjor ku janë përfshirë një numër i madh mjetesh tokësore dhe ajrore është ai në Dervenochoria.
“Për momentin vatra po tregon vrull dhe po shkon drejt Panoramas, Paleochorit, Pournaria dhe Agia Sotirës, për këtë arsye është lëshuar një mesazh nga 112 për evakuimin e banorëve drejt Mandrës.
Është ndaluar qarkullimi i mjeteve në rrugën nacionale Elefsinë e Tebës nga kryqëzimi i Mandrës deri në Tebë në të dy drejtimet. 250 zjarrfikës me 8 ekipe të reparteve të këmbësorisë dhe 75 automjete po punojnë për zbardhjen e shkaqeve të këtij zjarri, ndërsa qendra e lëvizshme e operacionit “Olympus” ndodhet në zonë për koordinimin e tyre. Nga ajri po operojnë 11 avionë dhe 9 helikopterë, njëri prej të cilëve është koordinator,” ka treguar Vathrakogiannis.
