Është vendosur data se kur do të luhet miqësorja mes kombëtares shqiptare dhe asaj bullgare. Data 17 tetor do jetë data ku të gjithë tifozët Kuqezi do të mblidhen në Air Albania për të mbështetur kombëtaren.
FSHF ka arritur akordin me Federatën Bullgare që kjo ndeshje të luhet më 17 tetor 2023 në stadiumin “Air Albania” ndërsa orari mbetet për t’u përcaktuar.
Kuqezinjtë do të luajnë edhe ndaj çekëve më 12 tetor në stadiumin “Air Albania”, një sfidë e vlefshme për kualifikueset e Kampionatit Europian “Gjermani 2024”.
Sa i përket miqësores me Bullgarinë, kjo do të jetë hera e 11-të që dy përfaqësueset ballkanase do të përballen në një ndeshje futbolli.
Ndërkohë Shqipëria do të luajë dy ndeshje shumë të rëndësishme për rrugëtimin e saj në Shtator po për Europianin.
