Një e premte e zezë. Kështu mund të cilësohet dita e djeshme. 11 persona kanë vdekur. Ngjarja më e rëndë u shënua në Gramsh. Babai me dy djemtë dhe nipi u mbytën në liqen.
Trupat e pajetë u nxorën pak para mesnate. Dy të tjerë, pushues u mbytën në Lezhë dhe Durrës, dyshohet arrest kardiak.
Dy ndërruan jetë në Elbasan. Paradite një punëtor, bojaxhi dhe në mbrëmje një tjetër që ishe duke lëvizur me karrocë me kalë kur u përplas nga një makinë.
Në Himarë vdiq një tjetër person. Makina u përmbys, shoferi vdiq dhe tre turistë që ishin brenda u plagosën.
Në mbrëmje një tjetër person vdiq në aksident, pasi makina ra në humnerë në fshatin Fortuzaj të Tiranës. Në Durrës, Shkallnur ndërroi jetë një e moshuar, 70-vjeçe pasi e zuri korrenti.