Një i ri 21-vjeç me inicialet E. M., ka përplasur me mjetin që drejtonte, dy këmbësore në Lezhë.
Ngjarja ka ndodhur rreth orës 18:00, në aksin rrugor Tiranë-Milot, në zonën e quajtur Fushë Milot, ku 21-vjeçari, ka humbur kontrollin mbi drejtimin e mjetit me të cilin po lëvizte duke dalë nga rruga.
Për pasojë, në momentin e daljes nga rruga, ka përplasur dy shtetase këmbësore që kanë qenë në anë të rrugës, të cilat janë dërguar në spital për ndihmën e nevojshme mjekësore.
21-vjeçari është shoqëruar në ambientet e policisë për veprime të mëtejshme procedurale hetimore.
