Një qytetare është kapur duke fotografuar votën në një Qendër Votimi në Rrogozhinë, ku po votohet për kryebashkiakun e ri, pas vendimit të Kolegjit Zgjedhor që vendosi ripërsëritjen e zgjedhjeve, të cilat u mbajnë më 14 maj.
Thyhet rregulli i grumbullimeve, dhjetëra persona grumbullohen pranë QV në Rrogozhinë
Pasi gruaja është evidentuar nga komisionerët, anëtarët kanë mbajtur procesverbal për rastin, teksa u ndalua dhe procesi i votimit. Nazmi Totraku, Kryetari i KZAZ iu kërkoi komisionerëve të paralajmërojnë qytetarët se fotografimi i votës përbën vepër penale dhe dënohet.
Nis procesi i votimit në Rrogozhinë, bashkë me problematikat e para
Ndërkohë, raportohet se është thyer urdhri i Komisionit Qendror të Zgjedhjeve në një nga Qendrat e Votimit në Rrogozhinë, pasi në një objekt ku janë vendosur dy qendra votimi ka një prani të madhe personash që nuk kanë lidhje me procesin zgjedhor dhe nuk janë votues.
