Java nis me një rritje të lehtë, por në “fije të perit”. Leku është më i fortë se kurrë në kulmin e sezonit turistik.
Pasi e mbylli javën në nivelin e gati 100 lekëve, euro po fiton pikë. Sipas kursit zyrtar të Bankës së Shqipërisë, valuta europiane po këmbehet këtë të hënë për 101.07 lekë.
Në shitje euro po këmbehet për 101.7 lekë, ndërsa po blihet për 100.55 lekë. Rritje këtë fillim jave po shfaqin edhe dollari, paundi apo franga zvicerane.
Flukset e turizmit, por edhe paraja e zezë e kanë zhvlerësuar vazhdimisht valutën europiane duke goditur eksportuesit, por edhe rezervimet në euro për pushimet.
