Një aksident rrugor është regjistruar pasditen e sotme në rrugën e Arbrit në Planin e Bardhë.
Një automjet tip ‘Benz’, raportohet se ka dalë nga rruga dhe është dhe përmbysur.
Si pasojë e aksidentit ka pasur vetëm dëme materiale dhe drejtuesi i mjetit ka shpëtuar mrekullisht.
Ndërkohë, policia dhe grupi hetimor kanë shkuar në vendin e ngjarjes dhe kanë nisur hetimet për shkaqet e këtij aksidenti.
