Ditën e djeshme gjatë mbledhjes që u mbajt nga Sekretari i Përgjithshëm i PD-së dhe Këshillit Kombëtar u vendos që zgjedhjet e 29 korrikut ku do të përcaktohet kreu i ri partisë u anulua.
Ndërkohë sot grupi i Lulzim Bashës ka njoftuar se vendet dhe oraret se ku do të mbahet votimi për kreun e ri të partisë.
“Të nderuar anëtarë dhe drejtues të Partisë Demokratike në të gjithë Shqipërinë! Nesër më datë 29.07.2023, zhvillohet procesi i zgjedhjeve për Kryetar të PDSH!
Ftojmë të gjithë anëtarët e Partisë Demokratike të marrin pjesë në këtë proces mjaft të rëndësishëm për ringritjen e PD.
Qendrat e votimit do të jenë të hapura nga ora 08:00 deri në 19:00. Ju vendosni të ardhmen e PD dhe të ardhmen e Shqipërisë,” thuhet në njoftim.
