Bashkimi Evropian së fundi është shprehur se zgjedhjet në katër komunat në veri të Kosovës duhet të shpallen sa më shpejt dhe të organizohen në mënyrë gjithëpërfshirëse.
Një zëdhënëse e BE-së u shpreh se ata presin që palët të zbatojnë kërkesat e BE-së siç është bërë e ditur në deklaratën e 27 shteteve anëtare më 3 qershor 2023.
“Kjo përcakton qartë se zgjedhjet e hershme duhet të shpallen sa më shpejt dhe të organizohen në mënyrë plotësisht gjithëpërfshirëse në të katër komunat me shumicë serbe në veri”.
BE-ja ka propozuar se dorëheqja e kryetarëve është rruga më e shpejt për të nxitur zgjedhje të parakohshme.
Kryeministri i Kosovës, Albin Kurti në lidhje me dorëheqjen e kryetarëve është shprehur se është akt moral dhe ka propozuar që qytetarët si zgjidhje të nisin një peticioni nëse duan dorëheqjen e kryetarëve.
BE-ja e ka cilësuar të paqëndrueshme status-quonë në veri të vendit pas dorëheqjes së serbëve nga institucionet e Kosovës dhe bojkotit të zgjedhjeve në veri nga serbët.
