Bledi Mane ka folur ditën e sotme për ish-banorët e “Big brother Vip Albania”.
Teksa ishte i ftuar në emisionin “S’e luan topi”, gazetari tregon se kishte shumë dëshirë që të festonte ditëlindjen e tij brenda shtëpisë së “Big Brother VIP 2”, por nuk mundi pasi doli para kohe.
Ai tregon se ditëlindjen e ka pasur më 8 mars dhe dëshira e tij ishte ta festonte me banorët, pasi ishte dhe një mundësi e mirë që të mos harxhonte para.
Po ashtu, kur iu përmend fakti se nuk e festoi ditëlindjen për shkak të Kiarës (pasi zgjodhi të dilte nga shtëpia në vend të saj), Bledi e injoroi duke pyetur se kush është Kiara.
Ja një pjesë nga biseda:
Bledi Mane: Kur dola nuk e mendova gjatë që kisha dhe ditëlindjen sepse atje brenda është tjetër trysni dhe hesapet që bën jashtë, nuk qëndrojnë.
Erjona Rusi: Ta paska Kiara borxh një ditëlindje? Një festë për 50-vjetorin meqë nuk e festove dot brenda?
Bledi Mane: Flitet që njerëzit që kanë konsumuar shumë alkool, kanë probleme e memorien e shkurtër. Tani ky emri që më përmende është italisht dhe nuk më kujton ndonjë gjë.
