Detaje të reja janë zbardhur nga ngjarja që tronditi Korçën një natë më parë, ku 55-vjeçari Gjergj Mullalli vrau bashkëshorten dhe në orët e para të mëngjesit të sotëm, pasi ishte arratisur u gjet nga forcat e policisë i vetëvrarë me armën e krimit.
Mësohet se 55-vjeçari kishte planifikuar vrasjen e bashkëshortes, pasi në shtëpinë e kësaj të fundit është gjetur një letër e shkruar nga vetë autori, ku thuhet se pasi të vrasë gruan do të vrasë edhe veten.
VIDEO/ “E mora vesh mbrëmë vrasjen e nuses”, flet nëna e Gjergj Mullallit
Kujtojmë se Gjergji Mullalli vrau bashkëshorten Luiza Mullalli, 46 vjeçe për motive xhelozie. Ata ishin në proces divorci. 55-vjeçari e ka qëlluar gruan me armën zjarri automatik disa herë në pjesën e gjoksit.
Kjo ka qenë fatale për Luizën, e cila ka humbur jetën për shkak të gjakderdhjes. Ndërsa sot u arrit të zbulohej se 55-vjeçari i kishte vrarë veten pas krimit makabër.
Ndërkohë, nëna e 55-vjeçarit Gjergj Mullalli, që vrau të shtunën gruan dhe e hodhi në një gropë septike ndërsa ditën e sotme vrau veten, ka deklaruar për mediat që prej disa ditësh nuk ishte takuar me të birin.
E moshuara ka thënë se e ka marrë vesh krimin që ka kryer i biri në orët e vona të natës së mbrëmshme, teksa shton se çifti kishin jetuar prej 20 vitesh në Greqi.
