Gjykata e Durrësit ka lëshuar ditën e sotme një urdhër mbrojtjeje për Pjetër Kaçin dhe djemtë e tij pas konfliktit që u regjistrua të dielën me familjen Nikolla në Hamallaj.
Duke qenë se vijojnë tensionet mes dy familjeve, 78-vjeçari Pjetër Kaçi ka kërkuar urdhër mbrojtjeje për gardistin në detyrë, Martin Nikolli.
Tre persona ngelën të plagosur si pasojë e dhunës. Nikolli, që ishte në detyrë si shofer zëvendësues i kryetares së Kuvendit, Lindita Nikolla u përjashtua fillimisht nga Garda e Republikës dhe më pas u arrestua.
Ky i fundit u arrestua së bashku më të vëllanë pasditën e së dielës.
Në dëshminë e parë që ka dhënë në polici pas arrestimit, Martin Nikolli është justifikuar duke deklaruar se konfliktin e nisi pala tjetër dhe se qëlloi në ajër për të trembur familjen Kaçi.
