Rezoluta për festimin e gjuhës, kulturës dhe historisë maqedonase, e cila ende nuk është votuar nga Senati i plotë, kërkon që shtatori 2023 të jetë Muaji i Trashëgimisë Maqedono-Amerikane, ku do të theksohen kontributet dhe ndikimi kulturor i maqedonasve amerikanë në Shtetet e Bashkuara.
Senatori republikan i Indianës, Mike Braun, prezantoi një rezolutë në Senat për të shpallur shtatorin e vitit 2023 Muajin e Trashëgimisë Maqedono-Amerikane, gjatë të cilit do të festohet gjuha, historia dhe kultura e maqedonasve amerikanë.
Rezoluta thekson se është e rëndësishme të përmenden kontributet kryesore dhe ndikimi kulturor i maqedono-amerikanëve në Shtetet e Bashkuara.
“Të njohë kontributin e shumtë të maqedono-amerikanëve në Shtetet e Bashkuara në fusha të ndryshme, duke përfshirë artin, shkencën, biznesin, politikën, mjekësinë dhe sportin, dhe të inkurajojë qytetarët e Shteteve të Bashkuara që të përkujtojnë Muajin e Trashëgimisë Maqedono-Amerikane me ceremoni të përshtatshme,” thuhet në rezolutë.
Ai thotë se që nga vitet 1880, dhjetëra mijëra maqedonas emigruan në Shtetet e Bashkuara duke kërkuar liri civile, të drejta të njeriut, liri fetare, mundësi ekonomike dhe siguri në përgjigje të Kryengritjes së Ilindenit kundër Perandorisë Osmane të vitit 1903, Luftërave Ballkanike të 1912-1913, Lufta e Parë dhe e Dytë Botërore, Lufta Civile Greke e viteve 1946–1949 dhe politika komuniste e Jugosllavisë.
Sot në SHBA jetojnë rreth 500.000 qytetarë me origjinë maqedonase, numri më i madh i tyre në shtetet federale të Michigan, New Jersey, New York, Ohio, Indiana, Illinois, Pennsylvania, Florida, Texas, Arizona dhe Kaliforni. /VOA
Artikulli i plotë këtu.
