Reperja amerikane nuk i ka mirë punët me ligjin, pasi tre ish-balerina që kanë punuar për të, e kanë paditur Lizzo-n për ngacmim seksual dhe mjedis armiqësor pune.
Arianna Davis, Crystal Williams dhe Noelle Rodriguez janë tre vajzat që kanë ngritur padinë ndaj Lizzo-s.
Ato shpjegojnë se ishin të detyruara të duronin “sjellje denigruese seksuale” nga reperja, madje u ishte bërë presion të merrnin pjesë në një shfaqje shqetësuese seksi.
Në padi thuhet se anëtarët me ngjyrë të trupës së kërcimit janë trajtuar ndryshe nga të tjerët dhe u akuzuan si dembele dhe joprofesioniste. Madje, vajzat pretendojnë se as nuk janë paguar mirë nga Lizzo, siç ka bërë me gjithë pjesën tjetër të stafit.
Ato treguan se iu dha vetëm 25% e pagës javore gjatë kohës që nuk performonin në turne, ndërsa interpretuesit e tjerë morën 50%.
