Në raportin e fundit të Bashkimit Evropian për të drejtat e njeriut dhe demokracinë në botë për vitin 2022, Serbia kritikohet më së shumti për mungesën e progresit në lirinë e shprehjes, dhe dhunën ndaj gazetarëve.
“Pamje e përgjithshme e gjendjes së të drejtave të njeriut dhe demokracisë: legjislacioni i Serbisë dhe korniza institucionale për ruajtjen e të drejtave themelore është krijuar në masë të madhe.
Kjo kornizë duhet të zbatohet në mënyrë të vazhdueshme dhe efektive. Serbia ka miratuar strategji të reja për luftën kundër diskriminimit dhe përfshirjes së romëve, si dhe plane veprimi për barazinë gjinore.
Serbia duhet të forcojë institucionet e të drejtave të njeriut duke ndarë burimet e nevojshme financiare dhe njerëzore dhe duke vendosur procedura në përputhje me vendimet e Gjykatës Evropiane të të Drejtave të Njeriut, si dhe me masat e saj të përkohshme,” thuhet në raport.
Po ashtu në raport përmenden edhe zgjedhjet e vitit të kaluar përmenden në Serbi.
“Zgjedhjet presidenciale dhe ato të jashtëzakonshme parlamentare në prill të vitit 2022 u mbajtën në një atmosferë relativisht paqësore dhe liritë themelore u respektuan kryesisht. Megjithatë, sipas raportit përfundimtar të Misionit Ndërkombëtar të Vëzhgimit të Zgjedhjeve, një sërë mangësish kanë çuar në forca të pabarabarta në favor të autoriteteve.
Kjo është arsyeja pse është thelbësore që rekomandimet e mbetura dhe të rejat të Zyrës për Institucionet Demokratike dhe të Drejtat e Njeriut (ODIHR) dhe organeve të Këshillit të Evropës të zbatohen plotësisht, në mënyrë transparente, shumë kohë përpara zgjedhjeve të reja dhe me përfshirjen e ekspertëve të organizatave të shoqërisë civile,” shkruhet në raportin e BE.
