Presidenti i Ukrainës, Volodymyr Zelensky, ka njoftuar përdorimin e këstit të parë të paketës së ndihmës prej 90 miliardë eurosh nga Bashkimi Evropian.
Ky këst do të orientohet kryesisht për forcimin e industrisë vendase të mbrojtjes, me theks të veçantë në prodhimin e armëve dhe teknologjive ushtarake.
“Ne do të ndajmë këstin e parë të paketës së miratuar të ndihmës evropiane për prodhimin e brendshëm të mbrojtjes së Ukrainës, që do të përdoret kryesisht për forcimin e industrisë tonë të mbrojtjes dhe për prodhimin e armëve, duke përfshirë dronët dhe teknologjitë ushtarake,” theksoi Zelensky në një postim në platformën X. Ai shtoi gjithashtu se prioritet i dytë mbetet mbrojtja e infrastrukturës energjetike të vendit, me qëllim të përballuarit të dimrit të ardhshëm.
