Katër makina janë përshirë nga zjarri në orët e para të mëngjesit të sotëm në një parking në rrugën “B” në Prishtinë.
“Sot rreth orës 03:00, është raportuar se në një parking në rrugën “B” në Prishtinë, katër automjete janë përfshirë nga zjarri.
Dy nga automjetet janë djegur tërësisht ndërsa dy të tjerat të cilat kanë qenë të parkuara në afërsi janë dëmtuar pjesërisht,” njofton policia e Kosovës.
Policia dhe zjarrfikësit kanë mbërritur menjëherë në vendngjarje.
Gjithashtu përveç dëmeve materiale nuk raportohet për persona të lënduar.
Aktualisht policia ka nisur veprimet hetimore për sqarimin e plotë të rrethanave të ngjarjes që është i cilësuar si zjarrvënie.
