Një tjetër aksident ka ndodhur këtë mëngjes, kësaj here në unazën e qytetit të Korçës.
Mësohet se automjeti tip “Peugeot” me drejtues 74-vjeçarin me inicialet P. V., ka përplasur një motomjet me drejtuesin me inicialet D. H..
Drejtuesi i motorit u dërgua për mjekim në spital, ku ndodhet jashtë rrezikut për jetën. Ndërsa me drejtuesin e automjetit po kryhen veprimet e mëtejshme procedurale.
Grupi hetimor po punon për sqarimin e rrethanave të aksidentit.