Ish-kreu i kundërzbulimit në zyrën e FBI-së në Nju Jork, McGonigal u akuzua në fillim të këtij viti për shkeljen e sanksioneve të SHBA-së, komplotin dhe pastrimin e parave për punën në vitin 2021 me oligarkun rus Oleg Deripaska, i cili u sanksionua për ndërhyrje në zgjedhjet presidenciale të 2016-ës në SHBA.
Në të njëjtën ditë, McGonigal u akuzua në një çështje të veçantë në Uashington për fshehjen e 225,000 dollarëve që dyshohet se kishte marrë nga një ish-punonjës i inteligjencës shqiptare shkruan CNN.
Gjykatësja Jennifer Reardon e cila është duke mbikëqyrur çështjen e Nju Jorkut, lëshoi një urdhër të hënën duke treguar se ajo ishte informuar se ai “mund të dëshirojë të ndryshojë deklaratën e fajësisë”.
Gjykatësi vendosi një procedim për pranimin e fajësisë për javën e ardhshme.
Lidhur me çështjen e Shqipërisë, javën e kaluar në një seancë gjyqësore në Uashington, avokati i McGonigal, Seth DuCharme, i tha gjyqtarit që mbikëqyr atë çështje se kishte një “shans të mirë që çështja do të zgjidhej” pa pasur nevojë të shkonte në gjyq dhe se ata duhet ta dinë me siguri vetëm pas Ditës së Punës.
McGonigal, i cili është një nga ish-zyrtarët më të lartë të FBI-së që akuzohet për një krim, është deklaruar i pafajshëm për të dyja aktakuzat.
Asnjë hollësi e mëtejshme nuk u përfshi në urdhrin e shkurtër të gjykatës që përcaktonte procedurën e pranimit të fajësisë. Mund të riplanifikohet nëse nuk ndodh ndryshimi i pranimit.
DuCharme nuk mund të kontaktohej menjëherë për koment.
