Morena Taraku dhe reperi Stresi përveç muzikës që i bashkon, kanë krijuar një raport të fortë miqësor.
Morena e ka treguar përkrahjen e saj të madhe për reperin edhe gjatë kohës sa ai ishte pjesë e Big Brother VIP Kosova, nga ku Stresi doli fitues.
Por, marrëdhënien e tyre e ka dëshmuar edhe një postim i fundit që ka bërë Stresi, ku në një foto që postoi në InstaStory shihet Morena duke i vendosur një varëse në dukje e kushtueshme.
Në mbishkrimin e imazhit reperi ka zbuluar se varësja ishte dhuratë nga vet Morena, e të cilën e falënderoi publikisht.
“Faleminderit për dhuratën, por dhurata ishe ti,” ka shkruar Stresi.
Fotoja e dyshes u realizua gjatë koncertit të Noizyt “Alpha Show”, ku Stresi performoi gjithashtu, dhe Morena ishte pjesë e audiencës për ta mbështetur.