Kryetari i Partisë së Lirisë, Ilir Meta ka dalë ditën e sotme në një deklaratë për mediat ku solli në vëmendje edhe një herë aferën e inceneratorëve ku u shpreh se do të kërkojnë llogaridhënie deri në fund.
Gjatë fjalës së tij Meta tha se SPAK sekuestroi një inicenerator si ai i Tiranës, që nuk ekziston në të vërtetë.
“Ngjarja monstruoze, e cila edhe pas sekuestrimit të inceneratorit të Tiranës. Ndaj SPAK dhe institucionet e drejtësisë, duhet të motivohen që të vijojnë punën.
Përgjegjësit duhet të vihen para përgjegjësisë dhe të mos vidhen para publike dhe taksat e qytetarëve paguhen edhe tani që flasim.
Kjo është me rëndësi. Duke u ndalur te operacioni Metamorfoza, por edhe për shkak të ngjarjes së rëndë, ku në një repart ushtrie mblidhej kanabis, tregoi se cenohet siguria kombëtare dhe ajo qytetare.
Metamorfoza tregon se elementet e botës së krimit kontrollojnë drejtuesit e policisë, që duhet të jetë mbrojtësja e pronës.
Ata arrijnë që të marrin informacione për çdo lëvizje. Ky inkriminim i policisë, ka vetëm një emër fajtor, që është Edi Rama,” tha Meta.
