Policia e shtetit ka dalë me një njoftim në lidhje me zbulimin e parcelës me kanabis në repartin ushtarak të Zall Herrit.
Mësohet se Shtabi i Përgjithshëm i Forcave të Armatosura ka thirrur një mbledhje urgjente në lidhje me ngjarjen.
Në njoftimin e policisë bëhet e ditur se janë liruar nga detyra dhe nxjerrë në dispozicion 4 ushtarakë të repartit ushtarak ku u regjistrua skandali.
Mësohet se u proceduan në gjendje të lirë për veprën penale “Shpërdorimi i detyrës” komandant i, specialisti i infrastrukturës së Repartin Ushtarak, Magazinieri dhe zv/ komandant toge në Repartin Ushtarak.
Menjëherë pas ngjarjes në të gjitha strukturat e Forcave të Armatosura filloi një proces vlerësimi dhe analize për masat e marra dhe nxjerrjen e përgjegjësive.
Nga analiza e Shtabit të Përgjithshëm janë marrë masat e mëposhtme:
- Janë liruar nga detyra dhe nxjerrë në dispozicion 4 ushtarakë të repartit ushtarak ku ndodhi ngjarja, përkatësisht: Specialisti për sigurisnë në seksionin e zbulimit, Specialist për infrastrukturën/MNZSH, Zëvëndës Komandant toge në Kompaninë e mbështetjes, Magazinier/shofer në Kompaninë e Mbështetjes.
Është bërë edhe një propozim për lirimin nga detyra dhe nxjerrjen në dispozicion të Shtabit të Përgjithshëm të FA të 6 ushtarakëve të FT dhe 4 ushtarakë të Policisë Ushtarake.
