Policia e Sarandës ka vënë në pranga 41-vjeçari me inicialet O. B. pasi vidhte pompat e ujit në katet e para të pallateve.
Sipas njoftimit të policisë i arrestuari rezulton me precedentë të theksuar penal për vjedhje.
Ai ka vjedhur në mënyrë të përsëritur, pompat e ujit në katet e para të pallateve të ndryshme në Sarandë ku edhe qytetarët kishin denoncuar rastin.
Vijojnë hetimet për të zbardhur vjedhje të tjera që mund të ketë kryer ky shtetas.
Policia e Vlorës ka proceduar 51-vjeçarin me inicialet S. S. pasi ushtronte profesionin e berberit pa u regjistruar në organet tatimore si dhe kishte zënë trotuarin përpara subjektit, me tavolina dhe karrige.
Materialet procedurale i kaluan prokurorive pranë gjykatave të Shkallës së Parë të Juridiksionit të Përgjithshëm Vlorë dhe Sarandë, për veprime të mëtejshme.
