Interi dhe Egnatia do të luajnë një miqësore luksi ditën e sotme, ora 20:00, në stadiumin “Paolo Mazza” të Ferrarës.
Zikaltrit luajnë takimin e fundit përpara startit të kampionatit javën e ardhshme dhe për këtë arsye Inzagi do të shikojë formën përfundimtare të lojtarëve.
Nga ana tjetër, për fituesit e Kupës së Shqipërisë do të jetë një test prove kundër një nga skuadrave më të mëdha në botë dhe për këtë arsye do të mundohen të japin më të mirën në fushën e lojës.
Kjo është miqësorja e dytë e luksit për klubet shqiptare në kaq pak kohë, pas asaj mes Partizanit dhe Romës në “Air Albania” mbrëmjen e djeshme.
