Policia e Tiranës ka bërë të mundur arrestim e 35-vjeçarit i cili plagosi me thikë dy vëllezër.
Në lidhje me ngjarjen është proceduar edhe një 17-vjeçar pasi dyshohet se sihte në dijeni të incidentit dhe nuk e ka kallëzuar krimin.
Gert Latifi pas një konflikti për motive të dobëta në rrugën “Thoma Koxhaj” ka goditur me mjet prerës 26-vjeçarin Rrest Abazaj dhe 31-vjeçarin Viliardo Abazaj.
Gjatë kontrollit fizik 35-vjeçarit iu gjetën dhe sekuestruan 1150 euro, sasi lënde e dyshuar narkotike kokainë, si dhe mjeti prerës që dyshohet se ka përdorur për plagosjen e 2 vëllezërve.
Dy vëllezërit e dëmtuar ndodhen në spital, nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
