Një aksident me tre të plagosur u regjistrua mëngjesin e kësaj të marte në aksin rrugor Peqin-Elbasan, në fshatin Papër. Një automjet është përplasur me një kamionçinë.
Si pasojë e aksidentit janë plagosur drejtuesit e dy mjeteve dhe një pasagjer. Të lënduarit ndodhen nën kujdesin e mjekëve.
“Në orët e para të mëngjesit të sotëm, në aksin rrugor Peqin-Elbasan, në fshatin Papër, automjeti që drejtohej nga shtetasi O. S., 26 vjeç, është përplasur me kamionçinën që drejtohej nga shtetasi Sh. P., 58 vjeç.
Si pasojë e aksidentit janë dëmtuar dy drejtuesit e automjeteve, shtetasja B. P., pasagjere në automjetin me drejtues shtetasin Sh. P. dhe shtetasi A. S., pasagjer në automjetin me drejtues shtetasin O. S., të cilët ndodhen në kujdesin e mjekëve” njofton policia.
Grupi hetimor vijon punën për përcaktimin e rrethanave të aksidentit.
