Mbrëmjen e djeshme në dy qytete të vendit u shënuan tre ngjarje të rënda brenda pak orëve.
Në lagjen “11 janari” në Kuçovë një 37-vjeçar me probleme të shëndetit mendor, prej gati dy orësh mbajti peng nënën dhe motrën e tij në banesë duke i kërcënuar me thikë se do t’i vriste.
Policia ka arritur që ta arrestojë 37-vjeçarin Gjergji Salla, pas denoncimit që ka marrë nga banorët e zonës.
Disa orë më pas po në këtë qytet, një 41-vjeçar me inicialet E.B. ka mbetur i plagosur me thikë dhe është dërguar në spital për të marrë ndihmë mjekësore.
Në Tiranë një 16-vjeçar u dhunua me sende të forta. Ai u dërgua në spital për të marrë ndihmë mjekësore.
Ngjarja ka ndodhur rreth orës 21:15, në lagjen “Ali Demi” pas një konflikti të çastit që nisi me sharje, ofendime e grushte duke përfunduar me sende të forta.
