‘Rasti Mbappé’ mbetet i pazgjidhur pak më shumë se dhjetë ditë para përfundimit të tregut të transferimeve. Francezi, i cili është rikthyer në grup dhe është në skuadër për ndeshjen e kësaj të shtune kundër Toulouse ende dëshiron të përfundojë vitin e mbetur të kontratës. Situata e tij nuk ka qenë e lehtë dhe as për Nasser Al Khelaifi.
Siç raportohet nga L’Equipe, Kylian Mbappé dhe shefi ekzekutiv i PSG-së zhvilluan një takim të martën, më 8 gusht. Në të ka pasur momente tensioni, duke hyrë në një diskutim të ashpër mes të dyve. Presidenti i klubit parizian sfidoi lojtarin e tij: “Do ta shihni! Nuk do të luani më! Nuk do të dorëzohemi!“. Sulmuesi u përgjigj: “Do ta shihni? Çfarë do të shoh unë? Do të jeni i vetmi president që nuk do të më lejoni të luaj“!.
Kështu duket se situata e Mbappes në PSG ka ndryshuar ditët e fundit. Luis Enrique tashmë mund të llogarisë te sulmuesi, pavarësisht se ai ka mbetur jashtë fushës për disa javë nga klubi nga kryeqyteti francez. Mbetet për t’u parë nëse trajneri spanjoll vendos t’i japë minuta në ndeshjen ndaj Toulouse këtë të shtunë.
Në konferencën për shtyp para ndeshjes, trajneri u shpreh i lumtur për rikthimin e tij: “Kylian është në formë të shkëlqyer, është shumë i etur, është në humor shumë të mirë. Jam shumë i lumtur që kam një lojtar të klasit botëror si Kylian” tha ai. Pak ka mbetur që merkato të mbyllet dhe telenovela vijon pa fund.
