Momente tmerri mbizotëruan ditën e sotme në spitalin e Korinthit ku një i ri kërcënoi pacientët dhe mjekët me një bidon me benzinë.
Sipas mediave greke 25-vjeçari ishte ekzaminuar më herët nga mjekët dhe më pas është rikthyer në urgjencën e Spitalit të Përgjithshëm dhe ka nisur të kërcënojë mjekët se do të ndezë zjarrin dhe do t’i djegë.
Mjekët, infermierët dhe pacientët u përpoqën të bindin të riun që të linte bidonin, por ai vazhdoi të kërcënonte.
Policia ka mbërritur menjëherë në vendngjarje dhe ai është larguar me vrap. Menjëherë u nis një ndjekje. Pas ndjekjes policia ka arritur t’a arrestojë.
Kryetari i Shoqatës së Mjekëve të Korinthit, Chrysovalantis Mellos u shpreh se ngjarja bëri bujë dhe përhapi shumë panik pasi në urgjencë kishte shumë njerëz.
Au më tej shtoi se pa ndihmën e pacientëve të tjerë, të cilët kanë marrë edhe kërcënime, situata nuk mund të shpëtohej.
Mellos shtoi se shkak i incidentit është edhe mungesa së personelit dhe turneve rraskapitëse. Sipas tij në urgjencë ka pritje të gjata, duke bërë që shumë pacientë të humbasin durimin dhe të shkaktojnë tensione.
