Gazeta greke “Tanea” i ka kushtuar një artikull të gjatë darkës informale mes liderëve të Ballkanit Perëndimor mbrëmjen e sotme në Athinë, ku mungon Shqipëria. Kyriakos Mitsotakis për shkak të përplasjes për Fredi Belerin shmangu homologun Edi Rama dhe ftoi Presidentin Begaj, por ky i fundit refuzoi.
“Sfondi i “Samitit Ballkanik” në Athinë – Surpriza e madhe dhe mungesa e bujshme. Dy ditë kontakte diplomatike në Athinë nisin me ardhjen e gjithsej tetë liderëve të Ballkanit Perëndimor (Serbia, Maqedonia e Veriut, Mali i Zi, Kosova, Bosnja dhe Hercegovina, Moldavia) dhe vendeve të rajonit që janë anëtare të BE-së (Bullgaria, Kroaci, Rumani) në një “samit ballkanik” në prani të kryesisë së institucioneve evropiane – Ursula von der Leyen dhe Charles Michel. Surpriza e madhe, megjithatë, ka shumë të ngjarë të vijë nga gjetkë nëse konfirmohet informacioni për mbërritjen e presidentit ukrainas Volodymyr Zelensky në mesditë në Athinë.
Ndërkohë, Shqipëria mbetet jashtë takimit ballkanik në Athinë, temë kryesore e të cilit është “zgjerimi”, pasi Mitsotakis vendosi të mos i dërgojë ftesë homologut të tij Edi Rama. Në një lëvizje diplomatike – “mesazh” në të gjitha drejtimet për acarimin e Athinës në trajtimin e qeverisë shqiptare në rastin e kryebashkiakut të zgjedhur të Himarës Fredi Beleri, kryeministri grek ftoi presidentin shqiptar Begai të përfaqësojë Tiranën, por nuk do të marrë pjesë.
Zhvillimet konfirmojnë se përçarja mes Athinës dhe Tiranës mbetet e hapur dhe mbetet të shihet sot apo nesër nëse do të ketë ndonjë reagim të ri nga pala shqiptare dhe me çfarë tonesh. Mirëpo, brenda vendit, SYRIZA u shfaq kritike, duke deklaruar për Mitsotakis se “nga njëra anë nuk e fton kryeministrin e Shqipërisë për shkak të çështjes Beleri, por nga ana tjetër, disa muaj më parë ka mbajtur festa me të në fshatrat minoritare të Shqipërisë, duke shkëmbyer komplimente parazgjedhore” thuhet në artikull.
Ish-zv/ ministri grek: Beleri ka histori të errët, nuk është i pafajshëm
