Një person është arrestuar në Tiranë nga Sektori i Forcës së Posaçme “Shqiponja”. Niko Begaj 44 vjeç, banues në Vlorë sipas policisë po lëvizte me armë zjarri pistoletë me fishek në fole, gati për qitje. Ende nuk dihet nëse vlonjati ishte nisur për qëlluar. Hetimet vazhdojnë.
Gjatë operacionit në “Rrugën e Barrikadave” iu sekuestrua një armë zjarri pistoletë me fishek në fole gati për qitje, me krehër dhe municion luftarak, një mjet identifikimi i dyshuar i falsifikuar, 6230 euro, si dhe sasi lënde e dyshuar narkotike kokainë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
