Policia Rrugore e Tiranës ka reaguar për arrestimin e Eldi Allushit, shoferi i makinës tip “BMW X6”, i cili u përplas te diga e Liqenit Artificial.
“Fluturoi” me makinë te Liqeni, arrestohet bossi me “BMW X6”
Sipas njoftimit për mediat të policisë, 26-vjeçari ka qenë duke ecur në rrugën e ‘Kosovarëve’ dhe më pas është ngjitur në maloren që ndan aksin me shëtitoren e liqenit me shpejtësi të lartë dhe është përplasur me bordurën mbrojtëse në skarpatin e Liqenit Artificial.
Vjen me shpejtësi “rrufe”! Del FOTO-Ky është i riu që mori para pemë dhe shtylla në Tiranë
“Policia Rrugore Tiranë: Rreth orës 15:00 të ditës së sotme, Policia e Qarkullimit Rrugor Tiranë ka arritur të lokalizojë dhe shoqërojë në komisariat shtetasin E. A., pronar i automjetit BMW X6, i cili mëngjesin e sotëm, rreth orës 05:15, është përplasur në bordurën mbrojtëse në skarpatin e digës së Liqenit Artificial. Pronari i mjetit do t’i nënshtrohet verifikimeve dhe hetimeve të mëtejshme mbi rastin.”, njofton në reagimin e saj Policia Rrugore e Tiranës.
Ky është i “forti” që bëri makinën copa- copa te liqeni dhe u arratis
