Policia ka gjetur dhe asgjësuar 453 fidanë kanabis në fshatin Madhesh të Matit teksa kanë identifikuar dhe shpallur në kërkim edhe 2 vëllezër, Xhevalin dhe Nikolin Gjergji, si autorë të dyshuar të mbjelljes së tyre.
Gjithashtu, për këtë rast u referuan materialet në prokurori ku filloi procedimi në gjendje të lirë, për veprën penale “Shpërdorimi i detyrës”, një 64-vjeçar me detyrë kryeplak i fshatit Madhesh dhe një 47-vjeçar me detyrë Inspektor i shërbimit pyjor në këtë zonë.
Materialet procedurale i kaluan Prokurorisë pranë Gjykatës së Dibrës për veprime të mëtejshme.
