Momentalisht zjarri i rënë ditën e djeshme në kurorën e pishave në Laç është izoluar pjesërish nga forcat e reparteve ushtarake dhe zjarrfikësit.
Gjatë gjithë natës zjarrfikësit kanë punuar në izolimin e vatrave pranë Kishës së Laçit.
Disa vatra të tjera zjarri janë shfaqur pranë ish-repartit të tankeve teksa po punohet për mbajtjen nën kontroll të tyre, ndërsa nuk ka rrezik për banesa aty pranë.
93.7 hektarë pyll është përfshirë nga flakët në laç që prej ditës së djeshme, por pavarësisht punës nga forcat zjarrfikëse dhe ushtria, sot pritet ndërhyrja nga ajri për vënien plotësisht nën kontroll tl situatës.
