Pasditen e sotme është regjistruar një aksident në autostradën “Ibrahim Rugova” në drejtim Prizren-Suharekë.
Aksidenti është regjistruar rreth 13:15 ku për pasojë kanë mbetur 5 persona të plagosur.
Mësohet se dy makina janë përplasur me njëra-tjetën. Lajmin e ka konfirmuar zëdhënësi i Policisë së Kosovës, Daut Hoxha.
Të plagosurit janë dërguar në spital për të marrë ndihmën mjekësore.
“Njësitet kompetente policore kanë dal në vendin e ngjarjes dhe hetimet janë duke u zhvilluar për identifikimin e shkaktarëve të këtij aksidenti”, tha Hoxha.
