Arrestohet në spital 17-vjecari Elio Rraku i cili ishte në timon në drejtimin e makinës tip “Benz” e cila u përfshi në një aksident rreth orës 03:00 të ditës së sotme duke u përplasur me një motor që po udhëtonin dy italianë që vdiqën në vend.
17-vjeçari akuzohet për dy vepra penale “shkelje e rregullave te qarkullimit rrugor” me pasoje vdekjen e disa personave sipas nenit 290/4 dhe “drejtim i automjeteve ne menyre te parregullt” sipas nenit 291.
Rrjedhimisht, dyshimet janë se ka qenë 17-vjeçari që ka shkaktuar aksidentin. Hetimet vazhdojnë. Zona ishte pa ndriçim. Adoleshenti pa patentë në makinë ishte bashkë me një tjetër person që është në spital, 16-vjeç.
Shefi i Seksionit të Policisë Rrugore në Komisariatin e Policisë Sarandë, Nënkomisar Adriatik Shehu është pezulluar nga detyra pas aksidentit që ndodhi në orët e para të ditës së sotme me dy viktima në Ksamil.
Drejtori i policisë së shtetit Muhamet Rrumbullaku thekson se pezullimi i tij u bë “në zbatim të nenit 209, të Rregullores së Policisë së Shtetit, për shkelje të rëndë të atributeve/kompetencave të Policisë, në lidhje me pasojat e aksidentit”.
Dy të vdekur në Ksamil! Pezullohet shefi i policisë Sarandë, hetim zinxhirit komandues
