Monedha europiane nuk ndalet. Edhe ditën e sotme Euro shënoi një rritje të fortë në kursin e këmbimit me Lekun.
Sipas kursit zyrtar të këmbimit të Bankës së Shqipërisë, Euro u këmbye të enjten me 109.08 lekë, në rritje të mëtejshme me 1.45 pikë që nga dita e djeshme.
Dollari Amerikan u rikthye sipër vlerës së 100 lekëve për herë të parë që nga fillimi i muajit qershor.
Monedha amerikane u këmbye me 100.54 lekë, në rritje me tre lekë që nga fillimi i javës. Rritje në përmasa të ngjashme ka regjistruar edhe Paundi, që arriti të enjten vlerën e 127.38 lekëve, vlera më e lartë që prej fundit të muaji maj.
