Këngëtarja e njohur Dafina Zeqiri dhe ish-partneri i saj Ledri Vula janë rikthyer ndër personat më të komentuar të mediave rozë.
Ndonëse ish-çifti janë ndarë prej kohësh dhe kanë rigjetur dashurinë, kohët e fundit në rrjet po qarkullojnë lajme se në një fragment në këngët e tyre ata po i kthejnë përgjigje njëri-tjetrit.
“Ti kam dhënë krejt, ti kam dhënë krejt ama lock më le vetëm”- tha Ledri në një fragment të këngës.
Ndërsa Dafina iu përgjigj: “Ti kam dhënë krejt, mi ke dhënë krejt ama sot prapë vetëm. Ti ke humb njëjtë, unë kam humb njëjt ama ndjenjat mbeten!”
Mirëpo nuk ka mjaftuar kjo pasi edhe veprimi i fundit i Dafinës ka ngritur aludimet se Ledri dhe partnerja e saj Sara Hoxha nuk ruajnë marrëdhënie të mira së bashku.
Këngëtarja nuk i ndjek më në Instagram as Ledrin dhe as partneren e tij, ndërsa kjo e fundit gjithashtu nuk e ndjek më Dafinën.
Megjithatë interpretuesi i hitit “Gjendja” e ndjek në Instagram artisten, ndërsa nuk dihet se çfarë mund të ketë ndodhur mes saj dhe Sarës.
