Pas arrestimit të monutesit të ashensorit i cili iu këput kavoja ku për pasojë humbi tragjikisht 17-vjeçari, Antonio Delilaj është zbardhur edhe dëshmia e 43-vjeçarit.
Lulëzim Allkushi u shpreh se ashensorin e kishte montuar 4 vite më parë dhe nuk e kishte kontrolluar më.
“Para 4 vitesh më ka kontaktuar pronari i lokalit Spiro Iliadhi. Më kërkoi që t’i montoja një pajisje si ashensor në mënyrë që të ngjisnin produkte ushqimore nga kati i parë në katin e dytë.
Montimi është bërë që para 4 vitesh dhe që prej asaj kohe nuk më është kërkuar që ta kontrolloja,” u shpreh Allkushi.
Delilaj humbi jetën për shkak të plagëve të marra pasi u zu poshtë nga ashensori i lokalit ku punonte.
Mësohet se ai po transportonte disa koli ujë në momentin kur është shkëputur kavoja e ashensorit.
Në lidhje me ngjarjen e rëndë është vënë në pranga 43-vjeçarin, Lulëzim Allkushi ndërsa është shpallur në kërkim pronari i lokalit 37-vjeçari, Spiro Iljadhi.
Viktima ishte i afërm me pronarin e lokalit ku punonte.
