Ministrja për Europën dhe punët e Jashtme, Olta Xhaçka ka reaguar pas deklaratave të ministrit të Jashtëm grek, Giorgos Gerapetritis për çështjen e Fredi Belerit ku thoshte se mbajtja e këtij të fundit në paraburgim për të mos t’u betuar si kryebashkiak i Himarës ishte çështje politike.
Xhaçka me anë të një postimi në platformën “X” thotë se fqinjët greke nuk janë të vetmit që kanë të drejtë, duke shtuar se tashmë çështja e Fredi Belerit i përket vetëm drejtësisë shqiptare.
“Nuk ka mundësi që miqtë & fqinjët tanë grek të jenë të vetmit që kanë të drejtë,kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare,” shkruan Xhaçka.
1/4Nuk ka mundësi që miqtë & fqinjët tanë grek të jenë të vetmit që kanë të drejtë,kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare! https://t.co/DZC0ypb30u
— Olta Xhaçka🇦🇱 (@xhacka_olta) August 31, 2023
