Anëtarja e Këshillit Kombëtar të PD-së, Jonila Godole thotë se Kuvendi i sotëm i PD-së është një proces i komanduar me urdhër nga lart dhe pa diskutime konstruktive.
“Kuvendi i sotëm i PD-së? I gjithë procesi i komanduar me urdhër nga lart, pa diskutime konstruktive, dhe me ndryshime statutore të atilla që e bëjnë PD-në e Bashës përsëri PD-në e Njëshit, siç ka qenë para tij, larg standarteve demokratike për një alternativë ndryshe” shkruan ajo.
Më ndryshimin e statutit, kryetari i Partisë Demokratike, Lulzim Basha do të jetë edhe kreu i grupit parlamentar kur kjo parti të jetë në opozitë. Një tjetër ndryshim statutor që u miratua është përjashtimi nga anëtarësia e atyre që kanë kandiduar për subjekte të tjera.
