Lulzim Basha ka publikuar listën me anëtarët e Këshillit Kombëtar që sipas tij votoi dje Kuvendi Kombëtar i PD-së zyrtare. Në listë janë të gjithë njerëzit që janë përkrahës të tij. Kritikët që u bashkuan me Sali Berishën, apo parti të tjera duke garuar në 14 Maj i përjashtoi.
Mes emrave në listën fituese është futur ish-rivali i tij në garën formale brenda PD-së, Gjergj Hani, apo Edvin Kulluri, që deri dje ishte një nga kritikët e tij të ashpër dhe sot është bashkuar duke pranuar ftesën e tij. Në listë janë edhe ish-deputetë apo zyrtarë të tjerë bashkëpunëtorë të Bashës.
Në fund të listës theksohet se automatikisht janë në këtë institucion kryetari, vetëm dy anëtarë kryesie në detyrë, 68 anëtarë të kolegjit të kryetarëve në detyrë dhe vetëm 30 deputetë. Pjesa tjetër që janë bashkuar me Sali Berishën janë përjashtuar.
