Një grua është arrestuar dhe partneri i saj është proceduar penalisht në Korçë pasi janë konfliktuar me punonjësin e policisë në zyrën e të cilit kishin shkuar për të zgjidhur një mosmarrëveshje mes tyre.
“Oficerët e Policisë Gjyqësore të Prokurorisë pranë Gjykatës së Shkallës së Parë të Juridiksionit të Përgjithshëm Korçë arrestuan në flagrancë shtetasen E. K., 25 vjeçe, si dhe filluan procedimin penal në gjendje të lirë për bashkëjetuesin e saj, shtetasin A. D., 33 vjeç, të dy banues në Korçë, pasi këta shtetas, në ambientet e Komisariatit të Policisë Korçë, ku ndodheshin për zgjidhjen e një problemi mes tyre, kanë kundërshtuar për shkak të detyrës, punonjësit e Policisë të rendit publik” thuhet në njoftim.
