Një tjetër aksident është shënuar në Himarë. Një automjet tip “Volkswagen” me drejtuese një angleze 44-vjeçare është përplasur me një motomjet, me drejtues një turist austriak, 31 vjeç.
Ngjarja ka ndodhur në vendin e quajtur “Llaman”. Si pasojë, është dëmtuar në këmbë pasagjerja në motomjet, një turiste 27 vjeçare nga Franca, e cila ndodhet jashtë rrezikut në spital.
Grupi hetimor ndodhet në vendngjarje dhe po punon për sqarimin e rrethanave, përcaktimin e saktë të shkakut të përplasjes dhe për dokumentimin ligjor të këtij rasti.
